فيسبوك
واتساب
شم النسيم عندنا
قالنا .. كلنا واحد
هو العليم ربنا
إننا مافيناش جاحد
--------
عمى موريس جنبنا
زينا هو وماجد
لو حد يريد بُعدنا
عن بعضنا يبقى الحاسد
---------
ما أحلى النسيم يا كريم
وهو معدى
باعته السميع العليم
لأجل يهَدى
ولا فينا واحد بيعيش واحد
وإن عاش واحد يبقى الجاحد
---------
أهلا يا نسيم مرحب يا نسيم
جَمع يا نسيم وَحَد يانسيم
خلى الحلوين يفرحوا بالنيل
نفرح بيهم يفرحوا بينا
نفرح ليهم يفرحوا لينا
إحنا ماضينا مع بعض عظيم
----------
على طول حلوين إحنا الاتنين
مينا وجرجس وأحمد وحسين
قاعدين ع الشط يا عزول إتبط
متحطش خط بين الحلوين
---------
عَيد يا ياسين على عم وديع
قبطى مسلم ما فيناش تنويع
الحب لولاه كنا خِسرناه
الدين لله والوطن للجميع
--------
يا عم العيد ياحلو يا هانى
أنا قلبى سعيد قوى بجيرانى
ليه بنخاصم ليه بنعانى
على شىء مكتوب كده ربانى
كلنا واحد ربنا واحد
مصرنا واحد قلبنا حانى
---------
بعُودة يا عيد ع المصريين
تيجى ومعاك فل وياسمين
يا نسيم النيل يا أحلى نسيم
حابينك جداً إحنا الاتنين
ولا فينا يائس ولا فينا بائس
وعهد الله هتروق بعدين
--------------
احتفالات شم النسيم
