فيسبوك
واتساب
إللى اتعود يضحك دايما ً
صعب يعيش مهزوم
أصل الضحكة
دى مفتاح سر
يقتل وجع الخوف جوانا
ويمسح كل هموم
أصل الضحكة
دى بلسم يروى
عيون عطشانة
يخلى عزيمتك فيك تتشد
أصل الضحكة
دى بدر بيلمع
يمنع حبل شجن يتمد
يخلى حلاوة الوش تدوم
إللى اتعود يضحك
دايما ًيفضل زى الطير بيغرد
مهما يكون مأزوم
مهما الحزن يدوس على قلبه
يرفض إنه ف يوم يستسلم
يضحك
يضحك
ويقدر تانى يقوم
إللى اتعود يضحك
دايما ً صعب يعيش مهزوم
فتاة تضحك
