فيسبوك
واتساب
لو هقول تستاهلى إيه ...
إنتى تستاهلى كِتير
عمرى مع عمرين عليه
مش هيبقو شىء كبير .
الوجود يبقاله معنى
طول ما كنتى فى الوجود
و الحياة دى تبقى جنة
فى الهَنا مالهاش حدود .
فى الوجود مانتيش لوحدك
بس من نوعك وحيدة
لو يقولو فى اللى زيك
كلمة مش هتكون أكيدة .
فى الجمال تبقى انتى آية
حتى لو نسأل مرايتك
تحكى ييجى ميت حكاية
لَجل ما توصف حلاوتك.
هيه مين اللى ف حنانك
أو فى أخلاقك و طبعك ؟
مين فيها حلاوة لسانك
لما تطلع كلمة منِّك ؟
روحك الحلوة البريئة
فيكى بتزيد الجمال
و ابتسامتك الرقيقة
ينشغل لها ألف بال .
هوا دا اللى انا شايفه فيكى
مش ببالغ أو بكتَّر
دا انتى مهما اتقال عليكى
تستحقى اكتر و اكتر .
صورة أرشيفية
