فيسبوك
واتساب
مش محتاجة تبرّر ليّا
مين كان يومها كتير غلطان
أكتر حاجة تأثر فيّا
إنى أشوفك يوم زعلان
بُعدك ثانية كإنه ساعات
وقت غياب نورك لعنّيا
افضل جنبى كتير أوقات
عطّر كل الكون حواليا
لما تقرب منى ف لحظة
بلقى النبض يهز ضلوعى
وافضل باصه عليك وملاحظة
إن ايديك بتشيل ف دموعى
أوقات كنت بتغضب منيِ
زى الموج ف البحر وتهدىَ
كنت قوام ترجع تُحْضنى
كنا عشان الحب بنرضىَ
عشت كتير جواك ف كيانك
دُوقت الحب وصُنت العِشّرة
مش بإرادتى أكون سجانك
قلبى ف بُعدك زى القشرة
ليه بتفسر حُبى وحاجتى
طول الوقت بضعف وحيره
ليه ما تقولشى إنك خلتنى
جوه عيونك أحلى أميرة
صورة أرشيفية
