قال الناشط الإخوانى، أحمد المغير، "إن وزير الثقافة يبدو أنه واحد مش بس شارك فى الثورة لكنه فاهمها صح, فهم غير مزيف مسالش لعابه أمام إغراءات الثورة المضادة, من الآخر ثورى حقيقى ملوش غير مسيس محدش عرف يشتريه وعشان فاهم الثورة صح وعارف إن الثورة مكنتش على "الأصنام" اللى كانوا بيظهروا فى التلفزيون من السادة المسئولين وإنما كانت على نظام إدارة وأسلوب حياة وفساد عشش جوا النفوس قبل المكاتب".
وأضاف المغير، عبر تدوينة له على موقع التواصل الاجتماعى "فيس بوك" قائلا: "دخل الوزارة بيتصرف كثورى مش كوزير عادى داخل يأنتخ على مكتبه ويشرب شاى ويبتسم ابتسامة صفراء للمجاملات، وأدعم وزير الثقافة ضد ضباع النظام السابق الفاسدين المفسدين".
