شاذلى دنقل يكتب: شفتك هناك

وسط القنابل والرصاص
مليان حماس
بتنادى فينا بدون ملل
مليان أمل
يلا اهتفوا
هدوا الصنم
امحوا الألم
وسط الميدان
شفتك بتحلم بالخلاص
والظلم خاف
م الألتفاف
وتزيد هتاف
وتزيد هتاف
يا أهل مصر اتحرروا
يلا اعبروا
عدى المحن وبلاش تخاف
كل اللى قال للظلم لا
شاف الضياء
أصبح له جاه
حب الحياة
يا أهل مصر النور هناك
والخوف هلاك
وإياك تحس بارتباك
خليك أسد وسط الميدان
دا جبان مدان
اللى استهان
ومقالش اااااااه
شفتك ف وسط المظلومين
وأديك فى إيد المحرومين
مهموم بهم المهمومين
شفتك هناك بتقولنا
إياك تفرط ف المكان
واوعاك تسيبه للجبان
شفتك هناك
بتقول يا حرة اوعى تسلمى
أو تندمى
وادعى القوى
ينصرنا والأفراح تبان
يا حرة إنتى الأولة
أنتى الجميلة الملهمة
إنتى العلا
وياك طايرين ف السماء
هنحررك
ونعمرك
يا أم الأمل ما أجملك
مين إللى عاوز يحرمك
م الأمنيات
علشان يكون ويا الملك الألعبان
يا أمريكان
يا كل ندل وكان مهان
يا كل خاسر ف الميدان
يا كل حلم من المكان
يا كل صادق ف الزمان
الحق بان
والعدل بان
والفرح بان..
.والظلم غادر من الميدان