د. صبرى إسماعيل يكتب: النيل والإرهاب

لمحت النيل فى يوم ماشى--دموعه بتجرى ع الخدّين
وقلبه يدق من خوفه-----------بينده ع الأمل وحزين
سألته بلهفة عن حاله-------وعن صمته وحزن العين
فرد بصرخة مكتومة----------مزعلّنى غراب البين
عدوّ السِلم والكيمياء----------وزعّل طابا مع شربين
وشوف الصدمة بعينيهم-----ونوح الورد فى البساتين
عدوّ الشعب كان برّه----------وكنا نحاربه بالملايين
يوزّع شرّه ع القارة---------وافرح انتعش يا كوهين
بلحظة توهة صار جوّه-------يبخّ السِم فى الشرايين
يرش العنف بالوادى-------فى بلد النصر فى تشرين
بيرمى الحِقِد ويعادى----------ويخطف جُندِنا ويهين
ويكره سيرة أجدادى------------ويبنى الجهل بالتأبين
فقلت اهدأ يا نيل ما تخاف---من الإرهاب ولا الحاقدين
هنرفع مصر ع الأكتاف------ويحفظها رجال حطّين
دا فينا العِلم والأشراف------------وفوقنا ربنا بيعين