سنة أولــى حيـــاة يـابــــنى
سنة أولـــى كفـــاح وتـحدى
سـنـة أولـــى حيــــاة بتـــعدى
.....................................
تـاتـا تـاتـا وخـــطــى العـتـــبــة
حاســب مش سهـلة دى صـعبـة
عتـبـتـــنـا ملــــيـــانة غيـــــلان
وأفـــاعى بتــتــلون وحــيـــتـان
ووحوش لاتـحوش وماليها أمان
وعيون زايغة من طول الحرمان
وفيها كمــان .. فرعون وهمـان
وحاشية حــوليــهم من كل مكـان
وجراد يـتــــلون أشـكال وألــوان
خد بالك يابنـــى واسمــــــع منـى
السكة اللى تجيب هيه اللى تودى
سنة أولــــى كفـــــاح وتـــحدى
سـنـة أولــــى حيــــــاة بتـــــعدى
.........................................
تـاتـا تـاتـا يا حبيبى وخـــطــى
لغنـاوى الأحــلام علـى شطـى
ما هو بكـــرة طالع لعيـــونـــك
والثورة دى فكــرة وبخـــطى
كمـــلهـــا بــخــطـك وبــلـونك
لو يــــوم تــهمــــلـها هتـصدى
غمــض عيــنــك وجــفـــونـك
ونام على إيـدى وعلـى خـــدى
واضحكلى وفضل اضحكلــى
واحـلـــم ويـايا واحــلم قــــدى
ببلدنا ريحتها ريحة حريـــــــة
ومالفرحة عيونها بتلمع فضى
سنة أولــــى كفـــــاح وتـــحدى
سـنـة أولــــى حيــــــاة بتـــــعدى
صورة أرشيفية
مشاركة
اضف تعليقاً واقرأ تعليقات القراء
مشاركة
