نظم الشاعر والمطرب "جونى" مرثية شعرية غنائية للشاعر المسرحى الراحل نجيب سرور بمناسبة مرور ذكرى ميلاده، والتى توافق الأول من يونيو، المرثية حملت عنوان "رماد حلمك"، ويحاول فيها الشاعر تذكير المصريين بالراحل عن عالمنا منذ 24 أكتوبر عام 1978.
وجاءت كلمات القصيدة كالتالى
وكان جلدك وكان شنقك
على إيديهم
وبعد الشنق كان حرقك
ونا واقف فى وسطيهم
كأنى حشرجة فى حلقك
بأرقب صمتى فى عينيهم
بأرقب عضمك المجنون
فى كف النار بيتكسر
كان الكون مالوهش عيون
يشوف بيهم ويتأثر
أكيد صعب أنى أكون بينهم
واشوف حلمك قصاد عينى
رماد بارد على جبينهم
بقع سودا على جبينى
غبار داكن
بينداس فى الدروب لكن
بيدبحنى
ونا قلبى يا أبويا نجيب
هزيل عايش على الأكاذيب
تقيل الحمل لما تغيب
وأنا ضلى اتولد محنى
مافيش قدامى غير موتك
بيندهلى بحنان قاسى
بألملم فى الضلام صوتك
وأشيله فى حضن أنفاسى
غبار داكن
تم أضافة تعليقك سوف يظهر بعد المراجعة