سيد أحمد الهمشرى يكتب:العيشة هتبقى سودة

لتر البنزين هيغلى لو كان عاجب سيادتـــــــك
وكمان النور هيقطع ويضيع فى الضلمة وقـتك
والنهضة ضرورى جايه بس أنت اصبر شوية
هيلبسوك خازوق تقعد عليه براحتــــــــــــــــك
...
والأنبوبة اللى كانت زمان باتنين جنيــــــــــــه
بيقولوا بقت بعشرة جنيه ينطح جنيـــــــــــــــه
وهتبقى بالكوبون يا تطبخ على الكانـــــــــــون
واسأل ستك وخالتك ياما طبخوا عليــــــــــــــه
...
وهات لك فحم أسود زى بتاع القهـــــــــــاوى
واشوى بدل ما تطبخ واطفح لو كنت غـــاوى
اللحمة كمان هتغلى والسعر هيبقى أعلــــــــى
مش هتشوفها بعنيك لو حتى عملت حــــــاوى
...
أما الرغيف فحاول فى اليوم تأكل رغيــــــف
يا بلاش تأكل وحاول أحسن تنام خفيـــــــــف
أصلك مش هتلاقيه وهتدور عليــــــــــــــــــه
وخصوصا لو سيادتك بتاكل عيش نضيـــــف
...
من الآخر يا صاحبى العيشة هتبقى ســــــودة
واللقمة لو لقيتها هتلاقى فيهـــــــــــــــــا دودة
مادام الإخوان معاك الهـــــــــــم وراك وراك
وأمانه إن شفت حسنى قوله يا ريس بعــودة