ع الظلم والطغيان
على طحن الغلبان
والكل قاعد عاطل
وقافل الدكان
واهى ناسنا قلقانة
بالرعب مليانة
وإن قالوا آه يانا
ياكلوا كرباج كمان
أنا المتمرد أنا
ع السخرة والمسخرة
واللف والنأورة
والكورة دى مدورة
وكلام وندغ لبان
أنا المتمرد أنا
أهو أى كلام وخلاص
والشعب خلاص محتاس
بيدعبس ع الجنيهات
ويلف التعلب فات
علشان ينول الفتات
برضه ينول ملاليم
أنا المتمرد أنا
ع اللؤم وع اللئيم
وعلى صبر الحليم
اللى بالناس عليم
وبرضه ميتحركش
فيه برضه ناس بتموت
بصرخة من غير صوت
لا هيا طالت قوت
ولا عيشة بالمرة
أنا المتمرد أنا
عايزها حرية
بإرادة مصرية
مش نهضة يالالالى
بالوهم مملية
مشروع ومتنقى
والكاميرا مخفية
راح يضحك ع العالم
ع الخيبة القوية
خيبتنا يا جماعة
دى حقيقة واقعية
والضحكة دى هتكبر
عليكوا وكمان أنا
قاعدين بنتفرج
بلا شط ولا قنا
صابرين بنستنى
يدوب شمه هنا
أنا المتمرد أنا
عمال تراحيل يجلسون على الرصيف
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة