فيسبوك
واتساب
العُقد من إيدى انفرط
لما السنين عَدّت قوام
والعُمر من عقلى انسرق
م الفكر مُش قادره أنام
لو قلبى قصقوصة ورق
محتاجه يتقال فيه كلام
ولاّ عشان حِلْم انهزم
ما اقدرشى ادوق سحرالغرام
أنا ورده حمرا ف القلوب
محتاجه حد يشمها
محتاجه أحب كتير وادوب
محتاجه حُضن يضمها
محتاجه مره تحس يوم
صِدق المشاعر كُلها
ممكن تطير فوق النجوم
لو مره إنسان حبها
أوقات بخاف إنى أعيش
همسة حَنين بين الوجود
فيه ناس بلاقى كِدّبُهم
عدّىَ و فاق كل الحدود
لكن بلاقى معاك أمان
وافرح وأهْديلَك ورود
وارجع بُعمرى كتير ورا
والنبض من تانى يُعود
صورة أرشيفية
