"فؤاد نجم": مرسى وجماعته سحابة صيف وهتعدى.. والسادات لازم يتحاكم

قال الشاعر أحمد فؤاد نجم: "الرئيس محمد مرسى، وجماعة الإخوان المسلمين، وغيرهم من اللى قاعدين على قلبنا سحابة صيف وهتعدى"، مضيفا: "محدش يقول الثورة اتسرقت، هما سرقوا شوية كراسى بتوع السلطة وهيمشوا"، وتابع:"رهاننا على شباب الثورة فهم المستقبل، أما الجماعة فهم الماضى".

وأضاف "نجم"، خلال كلمته باحتفالية مركز إعداد القادة بمناسبة عيد ميلاده الـ84،: "أرى أن السادات لازم يطلع ويتحاكم بسبب اتفاقية السلام"، "والسادات تاجر بانتصارنا العظيم الأسطورى ومضى على معاهدة السلام".

وتابع: "محدش هيقدر يوقع بين الشعب المصرى والشعب الفلسطينى، وإحنا الأخ الكبير، بيضرب وتتقطع هدومه، وبيتسرق، ومصر أم الدنيا ومتخافوش عليها ولا هيحصلها حاجة".