سيد أحمد الهمشرى يكتب:زمن الشباب

(ماهر ودومه وحمدى) طلعوا متهميـــــــــــن !!
حتى (البرادعى) البطل متهوم مـــع (حمدين) !!
و(الفخرانى) كمان بكفالة فكوا إيديــــــــــــــــه
وفى خزنة المحكمه دفع كمان خمسيــــــــــن !!
...
بيقولوا أصل الحكومة حكومة الإخــــــــــــوان
عايزة تشوف الشباب لابس طرح نســــــــوان
اللى لولاهم ما كانت نجحت الثــــــــــــــــــورة
واللى لو لاهم ما كان الفجر هل وبــــــــــــــان
...
واللى لولاهم ما كانت هتفت الملاييـــــــــــــن
بسقوط فريق اللصوص والعجزة والفاشليــــن
واللى لو لاهم ما كان "مرسى" طلع للنـــــــور
وصبح رئيس للبلد لكن تقول يا ميــــــــــن؟؟
...
يا خوانا سيبوا الشباب يحكم بفكر جديــــــــد
لسه عزيمته بخيرها ولسه قلبه حديـــــــــــــد
وطموحه أكبر كتير من "مرسى والشاطــــر"
ومن شيوخ لسه فاكره فجر بكرة بعيـــــــــــد
...
يا ناس معدش الزمن زمن زعيط ومعيــــط
ولا زمن فيه رئيس يخطب فى قلب الغيـــط
ولا زمن راح يوافق تحكمه الإخـــــــــــوان
واللى يقول غير كدة لمؤاخذة يبقى عبيـــــط
...