"وإن كان كتاب ربّنا فـ سيّالة الإخوان" قصيدة لـ"سعيد حامد شحاتة"

الخميس، 02 مايو 2013 08:02 م

صورة أرشيفية

وحياة أبويا وأبوكى وناسك الغاليين
وحياة نخيلك ونيلك وامتثال الطّين
وحياة وريد دمّك اللى انشقّ فى الميادين
لا هيكسرونا بعدد ولا هيبيعونا بدين
وان كان كتاب ربّنا ف سيّالة الإخوان
حافظين كتاب ربّنا من الشعر للكعبين

*****
وحياة جميع اللى ضحى ونادى حرّيه
وحياة حجارة جدودنا وكلّ برديّه
وحياة أخويا اللى دمّه اتلفّ فى هديّه
ما هنقبلك غير وطن مؤمن بشرع الله
والشرع فى العُرف يعنى قصاص ماهوش ديّه

*****
وحياة أبوكى وأبويا وكل شيء غالى
وحياة شواشى الحطب وجريدك العالى
وحياة ميدانى اللى أصبح وحده راسمالى
نخلك هيفضل رُطب ومحبّتك صفصاف
وان أجبرونى إنى اخاف... فوصيّتى عيالى