خايف عليكِ من الغرَق
وسط الهموم وسط الورق
وبإيدى أداوى دمعتِك
وازرع أمل مهما اتحرق
بإيديا ههديلك قمر
عايش حياة من غير بشر
هتكونى جنبى فى دنْيتى
وقت المحن وقت السَحَرّ
لو نفْترق عن بعضنا
إيه تانى بس يلمّنا
غير الألم غير الندم
والفرحة تهْرب منّنا
نِفسى المسافات تنْكسر
حُضنك فى حُضنى يتأسر
وأرش فوق خَـد الحياة
سِحرك وريحتك تتنثر
الشِّعر منك يتكسف
نور القمر وبيتخسف
لما تفوتى بطلعتك
عُمر الدلال ما بيتوصف
لون المشاعر رِقّتك
والنبض حاسد خطوتك
فى خصامك الُدنيا عَدم
لما بتبعد ضحكتك
خليكِ واثقة فى كلمتي
إنك حياتى ودنُيتى
إوعى أشوف بُعدِك فى يوم
خليكى نبضة لسكتى
***************
صورة أرشيفية
مشاركة
اضف تعليقاً واقرأ تعليقات القراء
مشاركة
