سنــة أولــى حيـــاة يـا بــــنى
سنــة أولـــى كفـــاح وتـحدى
سـنـة أولـــى حيــــاة بتـــعدى
.....................................
تـاتـا تـاتـا وخـــطــى العـتـــبــة
حاســب مش سهـلة دى صـعبـة
عتـبـتـــنـا ملــــيـــانة غيـــــلان
وأفـــاعى بتــتــلون وحــيـــتـان
ووحوش لاتـحوش وماليها أمان
وعيون زايغة من طول الحرمان
وفيها كمــان .. فرعون وهمـان
وحاشية حــواليــهم من كل مكـان
وجراد يـتــــلون أشـكال وألــوان
خد بالك يابنـــى واسمــــــع منـى
السكه اللى تجيب هيه اللى تودى
سنــة أولــــى كفـــــاح وتـــحدى
سـنـة أولــــى حيــــــاة بتـــــعدى
.........................................
تـاتـا تـاتـا يا حبيبى وخـــطــى
لغنـاوى الأحــلام علـى شطـى
ماهو بكـــرة طالع لعيـــونـــك
والثورة دى فكــرة وبخـــطى
كمـــلهـــا بــخــطـك وبــلـونك
لو يــــوم تــهمــــلـها هتـصدى
غمــض عيــنــك وجــفـــونـك
ونام على إيـدى وعلـى خـــدى
واضحكلى وافضل اضحكلــى
واحـلـــم ويـايا واحــلم قــــدى
ببلدنا ريحتها ريحة حريـــــــة
ومن الفرحة عيونها بتلمع فضى
سنــة أولــــى كفـــــاح وتـــحدى
سـنـة أولــــى حيــــــاة بتـــــعدى
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة