فيسبوك
واتساب
الثورة ..دى ثورتى.
والجرح ..دا جـرحى.!
والله من خستك
تطلعلى فى العتمة
..
من صغرى
وأنا أعرفك
ناوى ..على هدمى
سنين وأنا مجربك
شاهد على التزييف
لا..شوفنا ليك قــــــــــلم..!
يرفع آلـــــــــم لشريف
ولا حق يوم اتنصف
من غير
ضهر...
أو تســــــــويف..!
ولأمتى بس الديب
يحرص فى يوم الغنم
ولا الثعلب فى يوم
يشعر بصدمة ندم
يشهد علينا الزمن
وكل حق أتظـــلم
بدون كلام شعارات
تضحــــــك بها على مين..!
اصحى يا ثورة
وقومى......
دول قرروا يعدمونى
وخرجوا
اللى قتــــــــلونى...!!
وحياة دم الشهداء
اللى سال
تحت أرجل الخونة
وعصابة الشياطيين
بكل لون لاعبيين
سحـــبوا ولا التعابيين
نويين لساعة غدر...!
اصحى وفوق يا شعب
وانتقم ...
من اللى سنين شردوك
وباعوك
وفى الطوابير سحـــــــــلوك
طلقوا سمومهم عليك
باعوا ...واشتروا..فيك
خططوا واتآمروا عليك
وأنت مكتف أيديك
هل هى دى الوطنية..؟!
ولا..دول الشهامة
والله ..رؤوس الندامة
اتربوا على المهانة
عشقوا ..عيشة الديابة
وكونلهم ..دولة
وحكـــــــــموا ..فينا الظلمـة
ولو حاولنا نفتح عنينا
ضـربونا بالقاضية
بحاول ....فى دنيا التفاؤل
لكن ...
مش لاقى ضـــــــــوء
وكل ما نمشى يا مصر
فى طــــــــــــــريق
يقطعوا علينا النور
ولما نسأل لـــــــــــــــــيه..؟!
يقولوا من جواهم
ضرورى نحمى الفلول
وجودهم أمان لينا
الثورة ..هتعرينا
وهتنزعوا.. كراسينا
ونويين تحاكمونا..
وكل من هب ودب
هيتكلم علينا.....!
هترجعــولنا العدل
واحنا ..
ع الظلم اتربينا
الواسطة هى حياتنا
لولادنا من بعدينا
هتحكمونا بكلمة
مترجموها لينا
عين ..دال..لام
طب سهولها.. لينا
عين وياء و شين
بتصعبوها ليه...؟!
متبسطوها شوية
عيش .. عدل ..حرية
ليك ..وليا
ولكل المطحونين
ومن سنين ساكتين
ع الحزن دول واخدين
وع الطوابير مفطومين
وطأسهم ..أمشير
وانتوا دائما عايشين
وفى الربيع ساكنين
عايشين ولا المناشير
طالعين كده وكلين
نازلين فى عضمنا وكلين
وفى القصور ساكنين
مبنية من ذلنا
مروية من دمنا
ممدومة من عمرنا
واحنا حياتنا القبور...!
لا حيطة بتلمنا
ولا هدمة ..تستر جسمنا
ولا لقمة..تشد عزمنا
ولما نركب لبكرى
اتوبيسنا ..يعطل بنا....!!
يا دنينا..دا..ذنبنا
سلمنا ليهم عمرنا
وقالوا بيحموا ضهرنا
مين بس هو عدونا..؟!
اللى قتل ولادنا
واللى سحل بناتنا
واللى آخر ..زمنا
واللى خلانا ........
ضحكة وسط الأمم ...!
ولا .. اللى خطط وفكر
وعلى ثورتنا ..دبر ونقذ
ولما كسرنا الشرنقة
وطلعنا للميادين
ونور اسم مصر فى الجرانين...
وبقينا فى صدر الأمم..
طلعوا علينا العفاريت...
جسس ومش فاهمين
بعيون ومتغممة
برموت ومتبرمجة
بتهد فى الميادين
قلنا لمرة العدل
وهى ..
دى .. ثورتنا
بالورد برنشهم
رشونا بالزنازيين
بالحب بنلمهم
ضربونا جو العين
نور ورد الجناين
بالشهدا ..
وقفناه....
ولما فتح جمـــــــــــــــاله
قطعـــــوه بالاختلافات
وجوه دار الندوة
اتفقت العفارييت
نحكم عليهم بايه
نطلع الطواغيت..
ونقولهم....
ببرود واستخفاف
هو ..دا ..القانون
صورة أرشيفيه
