سيد أحمد الهمشرى يكتب: براءة موقعة الجمل

طلع مفيش فيه جمل ولا حتى فيه ثــــوار!
بيقولوا أصل القضية كان ناقصها حمـــــار
والنائب العام طلع نائب عموم مغشــــــوش
والقاضى حسب الورق مقدرش يدى قــرار
...
و(مرسى) كان قال زمان للناس أنا المسئول
هجيب حقوق الولاد الحى والمقتــــــــــــول
وحلف بأمه وأبوه ما هو سايب القاتليــــــــن
وهيدبح اتخن جمل و(مرسى) قد القــــــول
...
وحلف كمان بالرخاء يعم كل مكـــــــــــان
وكل مطرح يقولوا إن فيه إخــــــــــــــوان
من غزة راح يبتدى وهينتهى بمطـــــروح
و(مرسى) قد القسم والوعد والحلفــــــــان
...
والحكم أكد كمان مكنش فيه ثـــــــــــــورة
ولا اقتحام للميدان بجِمال ولا هِــــــــــــرة
والحُكم أكد كمان أن مفيش خرطــــــــوش
ولا قنابل دخان شوفناها بالمـــــــــــــــــرة
...
طبعا كمان حضرتك مكنش فيه شهـــــــداء!
متقولش عندك ورق ولا كشف بالأسمــــــاء
ولا تقول فيه صور فى وسائل الإعــــــــلام
علشان رجال الصحافة كلهم أعــــــــــــــداء
...
الحُكم أثبت كمان أن الشهيد محقــــــــــــوق
لازم يروح للجِمال ويعتذر بالــــــــــــــذوق
أما الحمار والحصان راح يصرفوا تعويض
وكُل والد شهيد راح يصرفوله خــــــــازوق
...