فيسبوك
واتساب
الغرب قاعد مستنى عمال يرقص ويغنى
واللى اداله الفرصة عباد كرسى السلطة
هربان مخلوع و قتيل فاكرين مفيش بديل
آخرتهم كانت سودا جهنم وبأس المصير
يا ترى الدور على مين فوقوا يا معلمين
جهل ومرض وفساد والجوع طال الولاد
اسال نفسك سؤال لو اتبدل الحال
تقبل تكون محكوما ومن قوت يومك محروم
خادم القوم سيدهم بخدمة الشعب يكون سيدهم
شيل شعبك على راسك دول أهلك وناسك
ومهما يزرع الغرب القلب هيكون على القلب
لا فى يوم هتكون وحيد وإيدك فى مليون إيد
الحق نفسك وتعالى و بلاش ع الناس تتعالى
الشعب محتاج كتير عاوز يشوف التغيير
متزعلش على الكرسى وخليك حاسس بالناس
ولو أخلصت لشعبك هيشيلك فوق الراس
وساعتها الغرب هيقف لايص حايس محتاس .
الرئيس مرسى
