تلاتين سنة
بيعلموك البهدلة
تسهر تعد الأرغفة
تلحق مكان فى المزلقان
والأرصفة
يمكن تنام
تلاتين سنة
بيعلموك الغُنا
تبكى اللى مات
واللى اتعدم
فى مشهد الأفلام
تلاتين سنة
تحسب ليوم العيد
وترسم فرحتك
وتروح تصلى العيد
وترجع باقى لسه صيام
مش كل عيد يجى الفرح
كل اللى فات من عمرنا
لسه الجراح مستنياه قدام
تلاتين سنة
نحفظ نشيد المدرسة
طب خدنا ايه
بعد الطابور وتحية الأعلام
طب باقى ايه من حلمنا
تلاتين سنة
والفرحه قالوا حرام
طلع النشيد اللى انكتب
يا خلق
برده كلام
طلعت وعود الفرح
لما بنفتكر أوهام
تلاتين سنة
بيعلمونا البهدلة
خلص العمر
ومنين نجيب أعوام
طابور في مدرسة - صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة