يا أم الهرم والنيل والشعب الحر الأصيل والأيادى السمرة الشقيانين
وثورة بيضا هزت العالم وخلعت الظلم والقهر يوم خمسة وعشرين
محدش يقول صعبانة عليا يا مصر
بعزم ولادك ودم شهيدك عديتى كل المحن على مر السنين
مسلم مسيحى ايد واحدة فى وقت الشدة والفرح متجمعين
محدش يقول صعبانة عليا يامصر
دى محنة وها تعديها زى الى قبليها بس يبعدوا عنك الى بيتاجروا بالدين
الى عاوزين يشوهوكى وجاين يكفروكى وبيقولوا إنهم مسلمين
محدش يقول صعبانة عليا يامصر
علمك مرفوع بيرفرف بين الضلوع واسمك مذكور بكتابه المبين
دى المولى حاميها وبحبه راعيها و "ادخلوها آمنين"
محدش يقول صعبانة عليا يامصر
صورة أرشيفية
مشاركة
اضف تعليقاً واقرأ تعليقات القراء
مشاركة
