فيسبوك
واتساب
وقالوا إنى شاعر
وقالوا إنى عندى
وقالوا إن أبويا الفقير كان أفندى
وحطّوا القرنفل ف ريح لاستاكوزا
وحطّوا البلوظه ف مكان السفندى
وسنّوا القرار اللى أنا من خلاله
ما نيش قايل الشعر غير باللاوندى
***********
مالولنا البلد بالكلام ع المنابر
مخيمر يكدّب وسيد يكابر
وما أعرفش ليه البراءة بتاخدهم
ف لحظة ما تنزل أيدين المخابر؟
************
ثقافة بلدنا..
فى غاية السهولة
خلص جيل - ميراندا -
ودخل جيل - كاكولا-
وكلنا المكايزر وكلنا المشايزر
وأجيالنا طالعة فى غاية الفحولة
وربك ييسّر
وكلبك يبصّر
ويكسب تلات بوسترات ـــ جاد شويرى ـــ
ويكسب كذا ألف بوستر ـــ لرولا ـــ
سعيد حامد شحاتة
