أحمد الشيخ يكتب هو لسة فى أمل؟

أول كلامى ومستهل
مأدرشى أقول إن خلاص مفناش أمل
بس الأمل عايز عمل
وإن الأمل من غير عمل حماقة وهبل
معقولة وإحنا فى زمنا ده ونصنا لسه فى جهل
وإللى فينا خد شهادة جتله قال حمة كسل
وإللى حمدنا ربنه أنه نزل اشتغل
بيغيب يفكر نص يومه إزاى حيهرب من العمل
وإللى فينا كان بطل وخلاص حيحقق نجاح
يقول كفاية أنا حعتزل
والغريب نغيب نضور ليه يا ناس صبنا الفشل
ده شئ لا يمكن يحتمل
كل إللى هاممنا الوكل
إحنا عملنا ده بايدينا وكمان يا ريت بقه فيه خجل
زى اللى فى الحرب رمى سلاحه وقال يارب جيب لأعدائنا شلل
يا ناس يا ناس فين العقل
دحنا دايما ميكتملش إلا يا خلق بالعمل
مفيش إيمان من غير عمل
يعنى الأمل موجود تملى
بس إحنا نبدأ نشتغل