سيد أحمد الهمشرى يكتب: قولوا لمعالى الرئيس

قولوا لمعالى الرئيس حِمل الرياسة تقيــــــل
ضحك عليك إللى قالك خش سمى وشيــــــل
أمانة حتى الجبال قالت ماحملهـــــــــــــــاش
وحضرتك شلتها ومش راح تنام الليــــــــــل
...
ساعة الحساب التاريخ مش راح يسمى عليك
ولا الولاد راح تسامحك ودمها فى إيديـــــــك
خايف عليك من مصير حسنى وأمثالـــــــــــه
لا جماعة راح تنفعك ولا حد راح يفديـــــــك
...
ضيعت ليه فرصتك إنك تكون محبـــــــوب؟
وليه ركبت حصان الحُكم بالمقلــــــــــــوب؟
وإللى مشى فى موكبك الجهلة والكُهــــــــــان
وإللى فى يوم طلعتك هيحدفوك بالطــــــــوب
...
يا خسارة لما الزمن يفتح إيديه الاتنيــــــــــن
وياخد بإيد اللى كان فى السجن من ساعتيــن
أخدنا مقلبين فى (مرسى) والإخـــــوان
وعشر مقالب فى ناس اتمحكوا فى الديــــــن
...
أمانة إللى يــــــــــــــــــــــــروح (الاتحادية)
ينصح معالى الرئيس بذوق وحنيــــــــــــــة
ويقوله حِمل الرياسة تقيل على سيادتــــــــك
سيبه لمجلس رئاسى يحمله شويــــــــــــــــة
...