فيسبوك
واتساب
أنا اللى بات موجوع
لا عمره مات ملوجع
فـــ قلبى الأنين مسموع
لكِن ومين كان سمع
صوتى أدان مرفوع
عينى فــ مالطا اترفع
لا شبع من بعد جوع
لا جوع من قبل شبع
أنا ملك مخــلوع
سبع صنايع يا جدع
فــ قلبى بواقى خشوع
فــ شعرى بان الصلع
تبكى فــ عنيا الدموع
تملى بـحور وترع
تضحك فـــ قلبى الشموع
تتمخطر بخفة ودلع
لا أعرف إيه الخضوع
لا أعرف معنى الجشع
مركب من غير قلوع
عايمة فى دنيا الطمع
أنا صبار مزروع
لَكِن بيطرح عسل
أنا نفسى معرفشِ مين أنا
صورة أرشيفية
