طالب أحد حضور احتفال يوم العمال، المقام بمقر قصر القبة الرئاسى، الرئيس محمد مرسى برفع قانون الضرائب، قائلا: "اتقوا الله فينا وارفعوا الضرائب ياريس" وتابع: "البلد بتغلى ارحم الشعب تعبان ياريس"، مضيفا، "الراجل رجع الضرائب عشان خاطر الكبار مش الصغيرين"، ورد الرئيس قائلا "متقلقش إن شاء الله".
وأضاف الرئيس "إذا كنا عايزين فلوس نشتغل والفلوس بتاعتنا ترجعلنا على طول " محدش هييجى من بره ينتج لنا محدش هينمى لينا بلدنا محدش هيقوم مكانا بدورنا".
وأضاف قائلا " يجب أن ننتج مع بعض ولما ننتج لازم ناخد وده حقنا معدتش حد هيسرق حد أحنا وراء الفساد بالمرصاد، وأنا أقول لأبناء مصر رجال الأعمال والمستثمرين والناس المتصورين أننا نخوفهم هذا غير حقيقى، الكل يسوى حاله والكل بالقانون يأخذ حقه ويؤدى واجبه، كلنا أصحاب أسهم متساوية فى البلد والمفاضلة بقدر ما ننتج والمفاضلة بقدر ما نضحى وبالقانون وطبقا للدستور، محدش يزايد علينا ولا أحنا بندور على حد لمحاسبته عن جرم أتحاسب عليه، من يدفع الضرائب يكون سيد الجميع ومن ينتج يكون سيد القوم".
