فيسبوك
واتساب
عَايْزاك جَنْبى
محتاجة دَقة قَلبى تهدِّىِ
وحياة قَلبى
حاسة فى قُربك ليّا تحدٍٍِّ
هَفْضل احبك
وهفضل عايشة الحلم الوردى
رغم قسَاوتك
رغم عِنادك ليّا وعِندى
هَفْضل وَاهْباك
كُل مشاعرى وكُل ما عَندى
هَفْضل عارفة وخايفة وشايفة
بسْمَة جَميلة فى بحر عينيك
محتاجة أنسىَ كتير وأنا لامسة
جَرْحَك لمْا بَقرّب ليك
ما أنت الضحكة السارحة الجارحة
وسط جناين فرحَة وطارحة
وأنت الغالى ليالى فى بالى
وأنت النسمة اللى بتحلالىِ
نفسى تكون لى كُونى وضِلِّى
نفسى تضلِّل عُمر فاضلْى
بالحنية وبالملاغية
كل شوية تكون حَواليا
بينى وبينك عينى فى عينك
نفسى أكون نُقطه فى جبينك
وأفضل أغنِّى وأهنِّى وأمنِّىِ
محتاجة تبقى قُريِّب مِنِّىِ
ربنا يسْمع يشْفع يجْمع
وألقاك ليا قُريّب ترجع
وأفضل جنبك جوه فى حضنك
وتُضمنى ولا هشبع منك
صورة أرشيفيه
