يوجد لدينا
أحزاب معارضة
أحزاب مناهضة
وأوضاع بتسخن
وكانت ياما باردة
يوجد لدينا
بكل اللغات
والكدب علنى
مالى الشاشات
وحاورينى يا كيكا
وحطا يابطة
والتعلب فات
وكلام فاضى
على اشتغالات
يوجد لدينا
كل الكراسى
كل المقاسات
أبيض وأسود
حريمى ورجالى
كمان برباط
يوجد لدينا
والأصلى طبعا عندنا
الكوسة بس فى أرضنا
الصلصة نبعها نهرالنيل
والطبخ أحلى مننا
طباخينا مية مية
خبرة جامدة وعالمية
تأكل وتشكر
تأكل وتش ..!!
مش ذنبنا
ماهو أكلنا
يوجد لدينا
كلام وبس
وفيه صوابع
هأتقولك هس
وإيداين تعلم على القفا
ولو راجل حس
يوجد لدينا
سفر ببلاش
وإيشى بسبوسة
على جلاش
أجمل خلطة
أحسن ورطة
والسعر بلاش
يوجد لينا
أساتذة كلام
دكتوراه فى بيع الأوهام
نخترع لك أحلى كابوس
ونطلعهولك..فى الأحلام
يوجد لدينا
أجمل تعليم
قنوات خاصة فى التعتيم
تقطع ميه
تقطع نور
واللى مش عاجبه
يروح ويغور
كله موجود عندنا
صورة أرشيفية
مشاركة
اضف تعليقاً واقرأ تعليقات القراء
مشاركة
