عبد الحميد بدوى يكتب: نفسى أتكلم مع الشعب كلمتين على انفراد

نفسى أتكلم مع الشعب
كلمتين على انفراد
مش هاقول شعر ولا هاقول زجل
نفسى أتكلم معاكم
وأفضفض من غير خجل
ما أنتم منى وأنا منكم
وف قلبى حزن وحسرة
بعد ما ضاع الامل
هوليه الدنيا كلها بتتقدم
وأحنا لسه عايشين
فى عصر الدجل
الناس بتعمر فوق القمر
وأحنا لسا بنهزروا ونقولوا
أحنا اللى طلعنا الحجر
وكأننا جايين الدنيا قضاء وقدر
ملوك الفهلوه ومش عاجبنا العجب
لازم نعرفوا أن العالم فى حالة سبق
بنستوردا اللقمة ونستوردا الهدمه
وبنبيعوا فى الوطن
وبندفعوا التمن ياناس يا هوه أية العمل ؟
دايما بسأل نفسى سؤال
أمتى يا بلد حالك هايتعدل
معقولة دم الناس كدا هايروح هدر
منه لله اللى كان السبب
اللى ضيع عمرنا وغرق حلمنا
وقهرنا فى قعر بطننا