نصر الدين محمود سالم يكتب: من أجل بلدنا يا أستاذ

طالعتنا صحيفة إنجاز
من مصدر واثق من نفسه
من دفتر أحوال الناس

أكد مصدرنا الواثق
الشعب بيسأل
مين قتله
مش فارق

لو حتى اتذلل
والفقر
يقرب يتسلل
والسم محطوطله
ف اكله

مسألش عن راتبه يزيد

بيسال ازاى راح يقدر
يوصل ف ميعاده لشغله
كهربته فى دماغه تقيد
وتولع لو شح الجاز
مش واخد باله من الدنيا
ولا مين لسياسته بينحاز

أكد مصدرنا يا استاذ
من دفتر أحوال الناس
الدم بييطلع من الراس
وحوادث بتشوفها الناس
وبتسكت بضمير مطحون

ساكت مكتوم أنفاس
والغدر بيقتل مسنون
والدم فى ميدان منداس
مرسومة النهضة ف كراس..

....
مكتوبه بميه على إزاز

شاطر جدا ممتاز
.. من أجل بلدنا يا أستاذ