محمد أحمد دويدار يكتب: ماسك راسى وعندى صداع

جوه فِقلبى خِناق وصراع
قلبى يقولى يَـلا اتـقِدم
عقلـى يقولـى لأه وداع
تِرفع إيدها لَجـل تسَلـِم
ألمح دِبلــة جوه ُصبـاع
دِبلة دَهبـها مَطفى مِضلم
فِصباع مِتــألم مـِ الأوجاع
وألقى أثر الــــماضى مِعلِم
فوق الشعر وتـحت قنـــاع
وجوه عنيــها كــلام وكلام
أَجى أتكلم...تقولى حــــرام
طَب ...يا مــــــــــدام
ماشــــــــــى حـــرام
بس أستنى......
أصلى كمان إنسان
ليا مشاعر ليا كيان
بس قوليلى مين فينا الغلطان؟؟
هتقولى شيطان.. ماشى شيطان
بس شيطانى دمــــه خفيف..
والشياطين طبعــــاً أنواع
شيطانى رومانسى وعاشق طماع
أصل شيطانى بِألف دراع
بيوسوس ليا.. وبحنيه
بيجيلى فِكُل الأوضاع
أجى أتوضا يحُط ايديكى
أجى أصلى يجيبلى عنيكى
ساعــدينـــى أرجـوكى
ساعدينى أرجوكى لاجل أتوب
مانا كُلى ذنوب وطريقى ضياع
أقرى أعوذو تكسرى بوذو
شيطانى جبان وكمان خداع
طالع نازل يهمس ليا
وبيتراذل أوى يا عنيا
مهما أحوشهُ ..تجبنى رموشو
من قِــمـة لـــــــــــقاع
كــــفاية يا شــوشو
لِعب براسى وبإحساسى
وحياتك سيبنى عندى صداع
وفر تعبك حتى لغيرى
مش محتاج إبليس يغوينى
ما أنا يا بنى أساساً حُبى مشاع
وإظهر مره إن كُنت شُجاع
عارف هعمل إية فِسيادتك
هضحك طبعاً.. هضحك على خيبتك
أصلى غَويتَك ..أيـــوه غويــــتــــك
طب عينى فعينك.. وجاوبنى يا مان
تــعــشــــقـــهــــــا مــــعـــايــــا.....؟!!
يضحك يضحك هوه كمان
ويقولى بِــ كسفه..... أما أنتَ شيطان.