عروس ماريونت
مشدودة لفوق
بحبال
وتتحرك وتتكلم
وتصبح عال
تشوفها هناك
على المسرح
تغنى كلام وبيطرح
أحسه حقيقة
أتـوه وأسرح
أفوق ألقاه
وأقول الله
على عالم
غريب عنى
قريب منى
على مخاليق بتغنى
وتحكى تانى على الهادى
وتتكلم كما الإنسان
وتتحرك وبتنادى
لـ ورد الهوى بستان
وتعشق سيرة أجدادى
تصدقها تقول ده جنان
وبعد ما خلصت الحفله
عيونا مرة تتقدم
وتتأخر عن الفكرة
لقينه الكل كان بحبال
وناس تانية تحركها
يمين شمال
عروس ماريونت
خدعتنا وصدقنا
إنها إنسان
لكن فوقنا من الكدبه
على حكمه
كما لقمان
كتير بنشوف
فى دنيتنا وعيشتنا
عروس ماريونت
تخدعنا وتسرقنا
وبنصدق إنها إنسان
عرايس
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة