راضى على الطهطاوى يكتب: صرخة يتيم

طفل بيصرخ وحده يتيــــم
وضعى حقيقى بجد أليـــــم
نفسى ألاقى صدر حنـــــان
نفسى ألاقى قلب رحيــــــم
**
نايم صاحى بجوع موجوع
صبح وليل على خدى دموع
بعد أبويا وأمى ما ماتــــــــوا
طفيت فى حياتى كل شموع
**
عايز إيد تساعدنى أقــــــوم
عريان عايز دفا وهـــــدوم
لمَّا سقيع البرد بيجـــــــــى
أبكى يا ريت الحــــــر يدوم
***
أغلى الناس ماتوا وسابونى = وبقيت من كل أمان محروم
أشكى همى يا أمى تضـــمى = وبابا يدينى اللقمة يصــوم
أنا محتاج لنظرة عطـــــــف = من إنسان يشاركنى هموم
***
كان الأمل معاى ممـــــــــتد = راح الحلم حقيقى اتـــــهد
وكل مابرجع أحلم تانــــــى = ألاقى طريق الحلم اتســــد
ماتوا أغلى حبايبى ياناس = وملانى الحزن حقيقى بجد
****
بتعذب لمَّا ألاقى رغيـــــــف = أنا وإخواتى بيتنا رصيـف
محتار أنا مش لاقى نصيحة = يتيم وماشى لوحده كفيـف
***
كنت بروح مدرستى وشاطر = واخد البوسة وطالع فاطـر
بعد الحضن الدافى ما مــات = بقيت مهموم مكسور الخاطر
**
مجتمعى لكل حقوقى ناسـى = والكل عليَّا قلبه قاســــــى
أيوا يتيم وشىء مش ذنبــى = كل الدنيا شايفها مآســـــى
**
عصفور ماشى بجرح حزين = وبيبكى ماحد سامعله أنين
برىء وبيشكى من الحرمان = نفسى ألاقى قلب حنيـــن
**
ماشى فى دنيا لوحدى شريد = وكل ما بكبر همى يزيــــــد
بعد أبويا وأمى ماماتــــــوا = كل الناس قلوبها حديــــــد
محتاج رحمة حقيقى يا ناس = أنامش عايز حفلة وعيـــد
لمَّا أهل الخير تكفلـــــــــــنى = هبقى زى أصحابى سعيـــد