فيسبوك
واتساب
ف بداية الحلم سماح
والحب يكون عنوان
ولا فوهش عذاب وجراح
والغدر مالوهش مكان
وتاه من الدنيا وراح
نفرح بالدنيا نعيشها
وفيها الصدق مباح
وتمر جميلة حياتنا
مليانة بشوق أفراح
والرحمة بتسكن بيتنا
والضحكة تعيش ف براح
ووشوشنا بشوشة بريئة
والساعة تمر دقيقة
والحلم بيبقى حقيقة
وليلهُ بيبقى صباح
هتكون الدنيا بحالها
مش صعبة أننا نحلمها
وسهلة أننا نفهمها
ومش محتاجة إيضاح
ونعيش فى الدنيا أمانة
والنور بيبان جوانا
وتعيش الروح هيمانة
وضميرنا يكون مرتاح
لو حلمك زى حلمى
ف بداية الحلم سماح
صورة أرشيفية
