رافض أنا حتى البكاء
كاره أنا صوت السكات
شايف أنا رسم الكلام
سامع أنا بكل اللغات
تاية عن المألوف
ضايع كما العميان
أنا يمكن من الضالين
من الغارقين فى ليل الذل
من الخايفين فى وسط الناس
من الشاربين فى كأس العار
من العايمين فى بحر النار
من أول المشوار عارف
وفى آخر المشوار شايف
من قلب كل حوار خايف
أرفض كمان وكمان
أجرح قلوب حواليك فى كل مكان
يمكن تنول بعدين
فرحه تبكى العين
تكسر حصار الرفض بعد سنين
رافض أنا حتى البكاء
خالط أنا دمعى بدمى
صابر أنا لو تفهمى
حاسس كما الأطفال
لعبى تكون بزرار
من غير تعب الكبار
أنا كنت ليكى بس احلمى
أنا قلبى سامع اتكلمى
بس إنتى مش بزرار
وأنا لسة طفل بغار
أحلم وحلمى يكون
لعبى تكون ليا
ليا لوحديا
من غير تعب من غير بكاء
رافض أنا حتى البكاء
صورة أرشيفية
مشاركة
اضف تعليقاً واقرأ تعليقات القراء
مشاركة
