سيد أحمد الهمشرى يكتب: شَمِت فينا حسنى

لمؤاخذة يا معالى الرئيس شَمِت "حسنى" فينا ليـــه ؟؟
ضحك علينا فى القفص خلانا نتندم عليـــــــــــــــــه !
رجعتنا لزمنه كتير والفرق بينكوا مش كبيــــــــــــر !
كل الحكاية إنك بدقن الشفرة تحلقها بجنيـــــــــــــــــه
. ..
لمؤاخذة يا معالى الرئيس رجعتنا لسنين عِجـــــــــاف
ولا أمن فيها ولا أمان واللقمة بنغمسها حـــــــــــــاف
وطلعت زيّه ديكتاتور والكرسى صابك بالغــــــــرور
ورئيس وزارتك فى السرير نايم ومتغطى بلحــــــاف
. ..
لمؤاخذة يا معالى الرئيس خيبت أمل الشعب فيـــــــك
الناس كانت فاكراك "عُمر" والعدل كله بين إيديــــــك
الناس كانت فاكراك كبير هتكون رئيس وزعيم خطير
لكن يا ريس للأسف "حسنى" ضحك علينا وعليـــــــك
. ..



لامؤاخذه يا معالى الرئيس خد الكلام من غير زعــــل
أخدنا فيك مقلب كبير وخيبة جتلنا بالعجـــــــــــــــــــل
ضيعت أحلام الشباب بعزقت دمه فى التـــــــــــــراب
وطلعت مش قد الطموح ولا شفنا فيك ذرة أمــــــــــل
. ..
لا مؤاخذة يا معالى الرئيس إحنا صبرنا عليك كتيـــــر
لازم هتقعد فى القفص وتعانى من نفس المصيـــــــــر
الشعب مبقاش إمعه ومعدش لابس بردعـــــــــــــــــه
والثورة لسة مستمرة ومصر عايزة زعيم كبيــــــــــر
. .