الحروف اتكونت اتشكلت..
بالمعنى حتى اتحولت..
واتشقلبت..
تاهت الحروف
من غير كسوف
غير عقول ...
فجر قلوب ...
الخوف برق ...
قال.. دى.. بلاد المختلق
ركًب دماغُ...
حضر لجامُ...
مش فى زمان
معترض..!
شقلب كيان....
خرم ودان...
قطع لسان...
سرقوا مكانُ
برمج حياتُ...
فى كمبيوتر محترم...
لكن.. دا.. وطن..!
هو اللى حب...
سنين مصاحب
وعاش لصاحب
عمر ما كان صاحب بلط
كتب الحروف...
دق الدفوف...
عمر م خاف...
من سيمفونية الغرق..
هيجيبوا داغ...
دا.. سبب صداعُ...
نفس الوجوه المعدلة..!!
هيجيبوا داغ..
نفس الحروف(الملخفنة)
من غير ادب
من غير.. حـىً
وام جمــــيل
شغال تنفخ(فى النفير)
غربان.. تطير
تنعق سنين
تشرح ..
تســوف
تكذب..
تزيف...
تحكم بباطل
على الملأ..!
وناس بتغسل..
وناس بتنشر..!
غسيل رديء..
من غير زراير
ولا حروف..
ولا حتى قاف..
ولا يحزنون..
وحاجات كتير
مش على المزورة
كلام خفيف
ومعاه رغيف
تضمن عشاك
وتعيش هناك..
فى قاعدة.. حلوة مسمسمة
من غير طلاسم معضلة
والله.. دى قنبلة..!
هتفجر ثورة عمرنا
وترجعنا لنفس المرحلة
ونعيش كده..
نحلم بجملة أســـــئلة..؟؟
ومفيش إجابة
غير (الحوقلا)
ونعيش نردد
لاحو لا ..ولا قـــــوة
كاحبل.. فى عقد قرنفلة...!
كاحبل.. فى عقد قرنفلة...!
صورة أرشيفية
مشاركة
اضف تعليقاً واقرأ تعليقات القراء
مشاركة
