سيد منيرعطية يكتب: ليل الفراق

عايش وحيد غريب
حاضن ليل الفراق
بدمعتى
صوت السكون جرس عالى
يهز ليل حزين شارد
خايف تكون نهاية غربتى ألم
عايش قريب منى
حاضن بإيديه الأمل
خايف من الكلام ينطق
وتتقطع حروفه ندم يبكى
يا وجع مين علمك تشكِى
مين علمك تبكى
مين علمك تصرخ
بصوت عالى
مهما تكبر جروحى
مهما تبعد روحى
مهما يكون الحلم غالى
ح يفضل صوت الألم ساكن
عروقى
خايف من الأمل يبعد
خايف أضل الطريق
خايف يندبح الوريد
ويتوه حلم السنين
لسه فاكر صوت الدموع
لحظه فراقك
والليل كذاب حاضن لوعتى
سارق منى فرحتى
يا بسمة حزينة مالية كيانى
إمتى يعود الزمان
وتعود معاه ضحكتى
تاهت خطاوى الزمان
وغربه المكان
مهما تبعد تعود
تفكرنى بجروح العمر
من تانى
خايف من الصمت يكتب
حروف تنطق
وجع الكلام اكبر
يا نفسى كفايه ملام
حبيتك ما بنكر
مهما يطول الألم
ح يفضل طريقى انتِ
تعالى ويا الحلم
نكتب بدايتنا
تعالى نرسم خطوتنا
خلى الأمل حياة
غربتنا مش كلام
غربتنا وحدتنا
وحدة قلوب عاشت
حزن مرسوم
مالى شبابكنا
يا جرح مين علمك تشكى
يا ليل الفراق أصمت
ما تبكى
صوت السكون أمل
حاضن جروحنا