محمد صبرى يكتب: أشعارنا مجرد إحساس

حكاوى مصرية
يامصرنا يا مصرنا
يا حتة من قلبنا
غالب عليكى حبنا
وانتى اللى قاطمة وسطنا
من تعليم فاشل وضايع
لجهل وحرب شوارع
ومن غلب الناس بفقرك
دخلوا الشاطر صنايع
طمعانين فى حبك لينا
وانتى مطلعة عنينا
وأهو عايشين فيكى
خايفين من خفنا عليكى
مش لاقيين حاجة ترضيكى
علشان علينا تظبطى
جرحنا يا مصر ليه
أيه تانى تبعينا عليه
ولما نقولك الحقيقة
من الحقيقة تهربى
لسه ايه يتقال
شلنالك حمل جبال
وناس بتهرب من ديونها
وناس عيشتها عال العال
وعلى ايه كل ده
ايه خلاكى مجمدة
جبنالك نصر وسيادة
وشربنالك القهوة سادة
وشالت الناس مبارك
ألف مبروك عليكى
وكل الحكاوى والكلام
قالوها من شماتتهم فيكى
وجالك المدنى الجديد
قراراته من حديد
فى رمضان قطع الميه
والعيد خلاه ظلمة
والخير مابقاش لينا
يامصر اسمعى حكاوينا
ماهى عليكى
يا ترى هتردى علينا؟
ولا الكلام بيبكيكى
خلصت يا مصر حكاويكى