فيسبوك
واتساب
يا شعب طيب
يا شعب طيب قلبى عليك..
اصحى وفوق شوف مين حواليك
متخليش كلمة توديك..
يا شعب ولا كلمة تجيبك
فى يد جاية بتزرع شوك..
تسقيه بدم أخويا وأخوك
من غير ما تعرف مين غدروك..
يضيع هلالك وصليبك
*****
يا شعب طيب عقلك فين..
وأنت بتظلم باسم الدين
تجرح أخوك أيمن وحسين..
دا شيطان وحالف ما يسيبك
*****
الدين يا خلق الله لله..
ماهوش أذية فى خلق الله
غيرت ليه طعم الحياة..
بكرة المظالم دى تصيبك
صورة أرشيفية
