إسماعيل عبد الهادى يكتب: أنـــــا والشاعــــر

أنــــــــا لا شـــــــــــــاعر
ولامهنتــــى شــــــــــاعر
لكنـــى كلـــى مشــــــاعر
وشــاعر بمرارة وضـيق
حانشوف قال إيه الشاعر
*****
قـــال عطشـان ياصبــايا
دلـونى علــــى الطريـــق
*****
وبقوله ياعــم الشــــاعر
بقينا فـى زمـن العطاشى
والديابة فـى كل طريـــق
لا فيــــهم حـــــد يــــدلك
علـــى قلة فــــى شبـــاك
جــــــــارك ولامايــــــــه
فــــــــى الإبريــــــــــــق
راح فيــن يامصـر سبيلك
ومـــــروق القنانـــــــــى؟
****
قــال إيــه الشــاعر تانـي؟
قـــــال اللــــى بيشــــرب
مـــــن نيلك يامصـــــــــر
بيرجـــــع لك تانـــــــــي
وأهـــو شربوا ياعمنـــــا
من نيلها واتهنوا وأكلـوا
مـــــــــن خيرهــــــــــــــا
ورحلوا لأحضان غيــرها
لا حـــد فكــــر يجاملـــها
أو حتــى يرد لها جميلها
وبقينـا فى زمـن النسيان
****
قول يا شاعر إيــه كمـان؟
المغربيــة جايــــة تتخفى
ورا ضهــــــــر الشجـــــر
وعشان نتوه مــن السكة
شالت مــن ليالينا القمـــر
وبلدنا عالترعــــة بتغسل
شعـــــرها جانــــا نهــــار
ما قدرش يدفــع مهرهــا
يا هلترى الليــل الحــزين
أبـــو النجــــــوم الدبلنين
أبـو الغناوى المجروحين
يقــــدر ينسيها النهــــــار
أبوشمس بترش الحنين؟
****
وبقولـه ياعـــم الشــــاعر
رغــــم بُعــــــد السنيــــن
لســــه النجـــوم دبلنيـــن
وعيـون بلدنــا سهرانيـن
فـى إنتظارشمس الحنيـن
وراحــت قصت شعـــرها
ومات فـــارس مُهـــــرها
وضاعت ورقــة مَهــــرها
لا نهـار حايقـــدر يدفعــــه
ولا هــــم قادرين ندفعـــــه
وطــــال غيـــاب النهــــــار
وملت بلدنــــا الإنتظــــــــار
سنين وعايشه فى المـــرار
******
شكـــــراً ياعـــم الشـــــاعر
هيجــت فيــــا المشاعــــــر
خلاص مـن بكــــرة حاغير
فى بطاقتى واكتب شاعـر!