التركى.. حتى فى الحكام تقليد

يا عم ده تركى.. يعنى إيه؟!

أيوه شاكير حكم مباراة المان يونايتد والريال تركى.. ومعاه 2 زمايل أتراك برضه.. فهمت؟!

أفهم إيه.. تركى يعنى تقليد.. مش بتروح تسأل عن أى حاجة ماركة.. أو «سينيه» أوروبى.. يقولوا لك لأ.. فيه التركى «المقلد».. آه.. أحياناً!

طيب يا كابتن منتظر إيه من حكم تقليد أوروبى.. وعايزه يعمل إيه لما يحكم مباراة «ولعة» زى ماتش المان والريال.. واللى طلع عليه: أوعى تحسب حاجة لصاحب الأرض.. لازم تيجى عليه علشان يقولوا عليك: ولا بيهمه أرض.. ولا جمهور!

حوار عبقرى مع مواطن بسيط التقى العبد لله كاتب هذه السطور أمام مقر الجريدة.. وقال لى: عاجبك الحكم شاكير.. وقبل أن أرد.. جاءت إجاباته تلك!

أنهى كلامه بأن شاكير ممكن يكون أخو شاكيرا.. قلت له لأ ده تركى زينا يعنى!