فيسبوك
واتساب
النهارده لسه عارف
معنى كلمة يُتـّم إيه
يوم ما ماتت دعوة امى
بحر حزن غرقت فيه
تاهت الالوان ف عينى
سمعت الصرخه أنينى
فاضل ايه ف الدنيا قولوا
بعدها أبكى عليه
كانت الضَهّر اللى ساند
فيها ضَهرى لما اتعب
كانت الفرحه اللى تضوى
بين ضلوعى لما ألعب
مين هيستوعب مشاكلى
غيرها مين هيحب شكلى
مين يخاف لو يوم عليا
ف دنيا فيها الخلق ترعب
كنت اشم الجنه فيها
كنت ابوس رجليها وابكى
كنت ادارى كتير عليها
لما تغرق يوم مراكبى
لجل ما يخف العتاب
لجل ما يزيدشى العذاب
كانت الثلج اللى دافى
لما تاهت يوم كواكبى
اقرب الناس جُم سابونى
يومها جاتنى وقربتنى
واما شافت نار ظنونى
جاتنى يومها واحتويتى
كانت النور والاماكن
كانت الشمعة ولكن
نورها ولىَ عن حياتى
حتى من نفسى خدتنى
لو مطر م الدمع ينزل
يوم عليها ما يساويش
لحظة من خوفها عليا
أو أموت أو حتى أعيش
حضنها والله واحشنى
عمر شئ عنها ما حاشنى
هى كانت كل عمرى
بعدها الكون صار مفيش
صورة أرشيفية
