قال الريس. . يلا حنبنى
قلت كويس. . جى أنا وابنى
نصنع. . نزرع
نصبر حبه وبعدين نجنى
واحد قلى تبقى قابلنى
مين يا ضنايه ده اللى حيبنى
حودة شلاطة. .عبده قطاطة
ولا الواد عباس الجنى
خد بنصحتى واسمع منى
دولت ناس عيشين غيبوبة
يومهم بيعدى باعجوبة
كوكتيل فقر وجهل وقهر
خلى دماغهم زى الطوبة
ممكن واحد يقتل اخوه
علشان دور فى طبور انبوبة
قول للريس
عايز تعمل نهضة عظيمة
وفر للناس عيشة كريمة
خلى وجودهم شئ له قيمة
عندك ثروة مهولة بناسك
عندك ارضك. . عندك فاسك
خليك بينهم واوعى تسبهم
او تتدرى ما بين حراسك
تعدل بينهم يبقوا مداسك
تبعد عنهم طلقة فى راسك
الناس ديه
طول عمرها عيشين فى اذيه
و كل املهم عيشة سويه
يعنى تبص بعين الرحمة
للى مشفشى يومين حنية
اللى اتخلعوا سلموا كل الشعب
لشلة غنية
لا وفقيهم نص اراضى الدولة هدية
وانت سعادتك
سبت الشعب ورحت تفكر فى حاجات تنية
كان اولالك. .تعمل كل طوايف الشعب عيالك
طلعم. . نزلم. .هما رجالك
هتفوا.. عرضوا
تظاهروا. .رفضوا
انت اخترت فشيل احمالك
و احنا اخترنا عشان تتحقق بيك احلامنا. . احنا ابقالك
فمينفعش تسبنا بنارنا
و تروح تعمل ما بدالك
يا تفوت بينا فى قلب الصخر
اما نجيبوا حد بدالك
حقق حلم لناس تعبانة وخليك فاكر مش بقيالك
غيرك فكر أنه اله. . شفت نهايته
ميجيش يوم نقول عقبالك
تعمل خير برضوا حيفضلك
تعمل شر الناس وقفالك
خلى الخير يوصل للناس مش مجموعة
و باقى الشعب يموتوا قبالك
لما اخترنا. .قلنا حيجى الفرح لدرنا
استنينا كتير ولا جاشى
يعنى قدرنا. .نعيش ونموت واحنا منسواشى
انت حكمنا. .لجل تجيب الحق فى جبنا تعرف ماشى. . وأن معرفتش
برضك ماشى
سبها لغيرك جايز يمكن
يعمل حاجة بفن الممكن
قبل شعور الجوع يتمكن
شعبك طيب وابن حلال
بس نقصه يشوف افعال
و اوعى تفكر اللى يعرضك
شغل عيال
فيهم ياما مش منهم ماشى
بس اكيد فيهم هناك ابطال
يوم ما تلم الكل معاك
كل الناس يتمنوا رضاك
حب بجد. . ولا يمكن يتخلف حد
مش يستنوا لما تفوت
و يلعنوا فيك وشوية فى ابوك
و يندموا يوم منتخبوك
ماشى يا ريس
ورينا بقه كام فعل كويس
و انا عن نفسى حفضل اهتف
عاش الريس يحيا الريس
هو الصح. .
وطلع كان الشعب مهيس
الرئيس مرسى
مشاركة
اضف تعليقاً واقرأ تعليقات القراء
مشاركة
