آه يا مصر يللى
عايشه تقوللى آه
ولا حد حاسس
بالألم الكل تاه
العشق فيكى للسما
واصل لأبعد منتهاه
الكل عايش للكراسى
لا عقل راسى
الكل ناسى يعنى إيه
طعم الحياة
الابن ضل الطريق
ولاحد م النُخبه احتواه
وآه وآه وألف آه
ما فيش مسامح
ولا زرع طارح
وزهر ناشف الملامح
مش كفاية البكا
يكون دواه
راح وتاه منا الأمان
والورد بيموت ف الميدان
ممكن يعيش الورد تاني
لو حد فكر يوم رواه
آه يا مصر يللى
عايشه تقوللى آه
ولا حد حاسس
بالألم الكل تاه
علم مصر
مشاركة
اضف تعليقاً واقرأ تعليقات القراء
مشاركة
