فيسبوك
واتساب
إدينى أمارة يا أبو عمامة
وأنا اصلى وراك
معقولة العصفورة يمامه
وتقول واكـ واكـ
والبطه السودا واخدانا
لأوباما وباراك
وبلدنا الحلوة شكيانا
شبعت أشواك
دى صلاتنا للى خلقنا
من غير إشراك
وخشوعنا من يوم مولدنا
كل الإدراك
حكمونا وإحنا رضينا
ده رئيسنا ملاك
وناصرنا ياعينى وغنينا
قولنا إخترناك
لكن فى حكمه خلانا
بنقول كفاياك
سكوتك سود ليالينا
واحترنا معاك
شهداؤنا بيجوا ف أحلامنا
يبكو محياك
والصبر تاه من سكتنا
الصبر شكاك
يارب وحشانا بلدنا
نبكى لسماك
يا تعدل حالنا يا إلهنا
يا تاخدنا هناك
صورة أرشيفية
