فيسبوك
واتساب
اللى اتقــــال مفهمتـــــــــوش
واللى هقــــولو مش مفهـوم
أصل الصـــاحى زى النــــايم
وأصل النايـــم مش بيـــــقوم
أصل الداخــــل أد الخــــارج
واللى حدانا مــــش معلــــوم
أصل الشيخ قلَــــع الـِـــــعمه
وصمة عار ويا عيب الشوم
أصل بلدنــــا زى حـــالتــــنا
تغرق يوم... ويوم هتعــوم
اللى اتقـــــال مفهمتــــــوش
واللى هقولـــو مش مفـهوم
أصل البيه كان اصله حرامى
ولسه حرامى لحد اليــــــوم
أصل الهـــــانم طـبـــعا لازم
تمحى ماضيها الـمشئــــــوم
اصـل الِشـله لازم تِـشبــــــع
وعشان تشبع احنا نــــصوم
اصل الناس ناسيه الــراحة
بس الحال مش هيـــــــدوم
اللى اتقال مفهمتـــــــــــوش
واللى هقولو مش مفـــهوم
أصل اللحمة كانت حمــــرة
وأصل الآن مش وقت لحوم
أصل المَيه كانت صــافيــــه
دلوقتى الميَه فيها سمـــوم
أصل العيش كان يتاكــــــل
وأصل العيش بقى مدعــوم
أصل الواحد كان بنــى ادم
وخلاص الواحد بأة معـدوم
اللى اتقال مفهمتــــــــــوش
واللى هاقولو مش مفــهوم
أصل الظلم بقى بيــــــــعــــُم
وأصل الظلم بقى بالكـــــوم
أصل العدل أساس الـحـُـكم
وأصل الـعدل فـ عز النــوم
أصل القسمة كانت كـــــام
وأصلهُ كام اللى مــقسـوم
أصل الأصل نجيبهُ منــين
وقليل الأصل ســـاد الأوم
اللى اتقال مفهمتــــــــوش
واللى هقولو مش مفـهوم
صورة أرشيفية
