دلونى على وصفة ياعطارين
نجفف الدمع تفرح الزعلانين
آخدها دايما مع طلوع الشمس
اغدو وارجع جيوبى مليانين
***
ياعطارين شبابى راح فين
بنيت بيتى فى سنه وسنين
فى لمحة دمار دهسه دهس
ازاى هبنيه لو جبتله عمرين
***
ياعطارين راسى بقت شيبه
كل طوبة فى بيتى هى حبيبه
عشقتها روحى من غير لمس
الطوبة هدتها ايادى غريبه
***
ياعطارين قولوا ليه ولادى اداه
مصر محفوظة من ربنا فى علاه
الآهة مكتومة والحزن ماله همس
ادعوا يحفظنا ربنا فى كل صلاه
***
ياعطارين الدوا حلاوته مراره
تقويم الشارد تهذيب بكل جساره
يتم الشفاء من الهلوسة والمس
وتعلى مصرنا فوق كل حضاره
***
علم مصر
مشاركة
اضف تعليقاً واقرأ تعليقات القراء
مشاركة
