فيسبوك
واتساب
"مصر يا أمّ البلاد"
مصر يا حضن الغلابه
ياللى علّمتى العباد
يعنى إيه ذلّ وصلابه
مينا باس الشيخ عماد
جيكا شايلينه الصحابه
مصر يا أمّ الولاد
مستعدّين للعصابه
مستعدين للعناد
كان ملك أو كان كتابه
مصر يا أرض الشّداد
ليه بتنهشنا الديابه
مين زرع أرضك وِداد
مين حصد روحك كآبه
مين فى أعياد الميلاد
هدّد الناس بالحِرابه
امتى يا بيوت الجهاد
كنتِ للمحصور خرابه
مين رفع رايتك وعاد
مين شرب دمّك فى طابا
مصر يا أمّ البلاد
مصر يا حضن الغلابه
كل شيء لابس سواد
وانتِ قدّام النيابه
سعيد حامد شحاتة
